Сигурно сте добро запознаени со горчливиот вкус на ѓумбирот, кој е главен состојкa на многу јадења.
Но, дали знаевте дека овој корен може да се користи и надвор од кујната? Во последно време, ѓумбировото масло добива сѐ поголемо внимание – и тоа со добра причина. Истражувањата покажуваат дека ова масло има импресивна листа на здравствени придобивки и може да се користи како за третман на автоимуни болести, така и за намалување на брчките на лицето. Во продолжение ќе ги дознаете сите важни информации за ѓумбировото масло.
Но пред сѐ – што е ѓумбирово масло?
Наједноставно кажано, тоа е етерично масло екстрахирано од јадливиот дел на растението ѓумбир. Ова масло може да се добие на два начина: преку процес на дестилација или екстракција со CO2.
Придобивки од ѓумбировото масло:
Ефикасно се бори против воспаленија
Веројатно знаете дека воспаленијата се резултат на нарушување на имуниот систем, што може да предизвика разни здравствени проблеми. Борбата против воспаленијата е клучна при ублажување на симптомите на настинка, на пример. Ѓумбировото масло содржи соединение наречено гингерол, кое ги намалува биомаркерите на воспалување и делува како модулатор на имуниот систем.
Ги ублажува болките
Ѓумбировото масло значително ги намалува симптомите поврзани со акутни воспаленија. Ако подолго време не сте вежбале и чувствувате болка по првиот тренинг, ова масло е вистинскиот спас. Исто така, менструалните болки можат ефикасно да се олеснат со неговата употреба, бидејќи има аналгетски својства. Не се препорачува орална употреба, туку преку ароматерапија.
Ги смирува дигестивните тегоби
Ѓумбирот широко се користи за ублажување на гадењето и проблеми со варењето. И во овој случај, не се препорачува орална употреба, туку ароматерапија преку дифузер со ѓумбирово масло.
Го подобрува изгледот на кожата
Истражувањата покажуваат дека ѓумбировото масло може да има значителни придобивки за кожата. Тоа содржи над 40 антиоксидантни својства, кои ѝ помагаат на кожата да се заштити од слободните радикали – молекули кои доведуваат до предвремено стареење. Покрај тоа, антиинфламаторните и антисептичките својства на ова масло помагаат при обновување на кожата и елиминирање на акните.
Го подобрува здравјето на косата и скалпот
Како последен придонес, ова чудесно масло може да воспостави поздрав скалп и видливо посјајна, поеластична и помека коса. Ѓумбировото масло ги зајакнува влакната, го намалува чешањето и ја спречува појавата на првут. Богатиот минерален состав на ова масло го подобрува целокупното здравје на косата, а неговите антифунгални својства помагаат во одржување на хигиената на скалпот.
Како да користите ѓумбирово масло?
За безбедна употреба на ѓумбировото масло, потребно е да го разредите со соодветно базно масло, како што се бадемовото или сончогледовото масло. Исто така, може да се користи преку дифузер. Не се препорачува нанесување на чисто масло директно на кожата или косата, бидејќи е премногу концентрирано и може да предизвика иритации.
