Бруклин Бекам повторно успеа да го разгори интернетот – и тоа не со нова кулинарска авантура, фотографија со сопругата или модна обиколка, туку со реклама за достава на храна која, според мислењето на многумина, е полна со внимателно спакувани пораки наменети за неговото семејство.
А интернетот, како и обично, не пропушти ниеден детал.
Најстариот син на славниот фудбалски ас Дејвид Бекам и модната икона Викторија Бекам се најде во центарот на новата бура откако учествуваше во промотивна кампања за DoorDash по повод Светското првенство во фудбал 2026 година.
Во рекламата, 27-годишниот Бруклин лежерно се излежива на каучот во широко дуксерка и фармерки, држејќи влезници за првенството кое оваа година се одржува во Канада, Мексико и Америка. Обраќајќи се на камерата, ја изговара реченицата која моментално покрена лавина теории: „Веројатно се прашувате зошто Светското првенство го гледам од дома. Тоа е долга приказна.“
А потоа доаѓа моментот кој ги крена веѓите дури и на оние кои инаку не ги следат семејните драми на славните. На екранот се појавува порака: „Комплицирано е. Повеќе наскоро.“ Доволно мистериозно за да предизвика љубопитност, а доволно директно за многумина да помислат дека станува збор за уште еден осврт на затегнатите односи со семејството Бекам.
Највнимателните гледачи започнаа дигитална детективска мисија. На масата покрај Бруклин, забележаа часовник кој не е луксузниот модел кој му го подарил татко му за 21-виот роденден. Станува збор за престижен модел Patek Philippe Nautilus, чия вредност се проценува на околу 250.000 фунти. Наравно, интернетот веднаш заклучи дека ништо не е случајно. Затоа што кога сте Бекам, дури и изборот на часовник станува потенцијална семејна порака.
Уште една ситница не помина незабележано – купиште отворени писма оставени на масата. Мнозина во тој детал видоа симболика на оддалечување, необјавени пораки и комуникација која очигледно не функционира баш најдобро.
Да биде уште позанимливо, целата кампања се врти околу фудбал – спортот кој практично е синоним за Дејвид Бекам. Легендарниот англичанец настапи на три светски првенства и со години беше едно од најпрепознатливите лица на глобалниот фудбал. Затоа многумина во рекламата видоа уште една притаенa алузија на семејните односи.
Според пишувањето на британските медиуми, луѓе блиски до семејството Бекам наводно останале затечени со идејата дека семејниот конфликт се користи како дел од маркетинг кампањата. Критичарите сметаат дека е необично што темата која со месеци ги полнеше таблоидите сега се појавува и како дел од рекламниот наратив.
Социјалните мрежи, очекувано, не покажаа милост. Коментари следеа еден зад друг. Едни тврдеа дека Бруклин и понатаму профитира од славното презиме, додека други забележаа иронијата на ситуацијата – работата ја добил токму благодарение на тоа што е Бекам, а истовремено преку рекламата, како што тврдат, испраќа суптилни стрелки на сметка на семејството. Интернетот, познато е, ретко пропушта прилика за малку сарказам.
Сето ова доаѓа во момент кога односите помеѓу Бруклин и неговите родители веќе долго време се под лупа на јавноста. Почетокот на годинава јавно говореше за проблемите во семејството и тврдеше дека постоеле обиди за мешање во неговиот брак со сопругата Николa Пелц.
Нова епизода на семејната сапуница следеше по посетата на неговата помлада сестра Харпер Бекам во вилата во Лос Анџелес. Според медиумските извештаи, четиринаесетгодишната Харпер пристигнала со рачно напишана порака, но се повлекла бидејќи никого не затекнала дома.
Претставниците на Бруклин и Николa подоцна тврдеа дека целата ситуација делувала предобро темпирано за да биде случајна, сугерирајќи дека присуството на фотографи во тој момент предизвикувало дополнителни сомнежи.
Додека едни сметаат дека станува збор за внимателно осмислен маркетиншки потег, други веруваат дека зад сѐ се крие вистинска семејна драма. Во секој случај, едно е сигурно – кога го носите презимето Бекам, дури и обична реклама за достава на храна може да стане тема за која зборува целиот интернет. Алгоритмите, познато е, обожаваат семејни саги скоро толку колку и фудбалот.
Учество во игри на среќа е дозволено за лица со 18+ години. Играј одговорно!