Home Актуелно Грчкиот министер Дендијас одби да се фотографира пред табла на која пишуваше „Република Косово“

Грчкиот министер Дендијас одби да се фотографира пред табла на која пишуваше „Република Косово“

Министерот за надворешни работи на Грција, Никос Дендијас, за време на неговата посета на Приштина, вчера одби да одржи прес-конференција и да се фотографира пред табла со натпис „Република Косово“. Дендијас се сретна со косовската министерка за надворешни работи Доника Гервала Шварц.

Прес-конференцијата во Приштина поради тоа беше одржана на друга страна на салата, каде немало ознака „Република Косово“, туку само знамиња на Грција и Косово. Шефот на грчката дипломатија не сакал да се фотографира ни на влезот во зградата на министерството за надворешни работи на привремените приштински институции, бидејќи и таму имало натпис „Република Косово“, јавува српски Телеграф.

Дендијас на прес-конференцијата ја истакна важноста на продолжувањето на дијалогот меѓу Белград и Приштина и повика двете страни да имплементираат сè што е досега договорено. Инаку Дендијас вчера одржа состанок и со српскиот министер за надворешни работи Ивица Дачиќ.

По средбата со грчкиот колега, Дачиќ кажа дека го информирал Дендијас со ситуацијата на Косово и фактот дека албанската страна не го почитува Бриселскиот договор. „Интересот на Србија е да го зачува мирот во регионот и да ги спречи сите можни инциденти, да биде фактор на мирот и стабилноста во регионот“, кажа српскиот министер за надворешни работи.

Load More Related Articles
Load More In Актуелно
Comments are closed.

Check Also

КПХФВ: Уличниот стил во Копенхаген ја обликуваше и обои радоста

Вистина е дека, со целиот хип околу Париската недела на висока мода, Копенхаген можеби ост…