Канадските полициски служби излегоа со соопштение дека открила остатоци од најмалку шест луѓе во саксии и темели на куќа во северниот дел на Торонто. Куќата и имотот биле сопственост на 66-годишен маж, кој работи како градинар, кој сега е обвинет за серија убиства.
Брус Мекартур бил уапсен минатиот месец и обвинет за убиства на пет мажи кои исчезнале пред неколку години во кварт на Торонто кој со децении е собиралиште на градската хомосексуална заедница.
Полицијата го нарече Мекартур сериски убиец, но е предмет на критики во канадската јавност бидејќи во месеците кога исчезнувале мажите не ја објавила информацијата дека некој ја напаѓа хомосексуалната заедница.
Сѐ уште трае пребарувањето на куќата како и друг имот во потрага по остатоци од тела, и се очекуваат уште обвиненија и можни жртви.
До сега е иденетификувана една жртва, 49-годишниот Ендрју Кинсман, соопшти детективот на полицијата на Торонти Хенк Идсинга на конференција за новинарите пред куќата во која се најдени остатоците. Потрагата по остатоците е отежната поради смрзната земја.
