„Going Home“ од Четкар растура во Јапонија – издаден од престижната „P-Vine“

Една од најпрестижните музички издавачки куќи во Јапонија, „P-Vine“, која во светот на светот на аудиофилите ужива огромен углед и реноме со својот квалитет на музичките изданија, го издаде најновиот студиски албум на Владимир Четкар, „Going Home“.

Масахару Јошиока, еден од највлијателните јапонски музички критичари, за новото студиско издание на Четкар тврди дека е неверојатно ремек делo.

„Going Home“ во најголемите музички продавници во центарот на Токио (Шинџуку и Шибуја) е промовиран и селектиран во одделот за интернационални прекуокеански артисти рамо до рамо со некои од најкомерцијалните музички ѕвезди како Ариана Гранде и Џастин Бибер.