Французите се правдаат: „Тоа со придавката беше грешка“


Вака се слави гол во 120-та минута!!! ↓↓↓


Македонскиот министер за надворешни работи, Бујар Османи, денеска оствари телефонски разговор со Кабинетот на францускиот претседател Емануел Макрон, од каде, како што вели, добил уверување дека при употребата на придавката за граѓаните на Македонија е направена ненамерна грешка, информираат од министерството.

Според МНР, при разговорот на Османи му е потврден официјалниот став на Франција за целосно почитување на официјалното име на државата, државјаните на Северна Македонија, како и соодветните придавки, на начин како што тие се дефинирани и прифатени во Обединетите нации, согласно Преспанскиот договор.

Реакцијата уследи по изјавата на францускиот претседател Макрон на прес-конференцијата по Самитот на ЕУ во Брисел минатата недела кога ја употреби придавката „Северномакедонци”.

– Машината е подготвена за да се одобри тоа што ќе биде одлучено. Ова е многу добар сигнал. Сакам да му честитам на бугарскиот премиер и опозициските сили кои се здружија околу ова гласање, но и да им се заблагодарам на „Северномакедонците” за нивниот напредок, рече Макрон, поздравувајќи ја одлуката на бугарското Собрание за прифаќање на „францускиот предлог” за деблокирање на евроинтегративниот пат на земјава.