Едно лице го загуби животот во пожар зад скопски „Рамстор“

Едно лице почина во пожарот што околу пладне избувна во продавница за мопеди на улицата Јордан Мијалков, зад трговскиот центар „Рамстор“.

Противпожарните екипи интервенирале со осум возила и 22 пожарникари, но и покрај обидите не успеале на време да го извлечат и спасат загинатиот.

Во пожарот полесно повредено е едно лице, кое по интервенција на екипите од брзата помош било пуштено дома.