Славни

Еди Марфи открива за која улога жали што ја пропуштил во кариерата

Славниот холивудски актер и комичар, Еди Марфи, на гостувањето во шоуто кај Џими Фалон, откри за која пропуштена улога му е најмногу криво во животот и кариерата.

58-годишниот актер учествуваше во петокот во шоуто на Џими Фалон, каде откри дека му била понудена главната улога во хитот од 1988 година „Who Framed Roger Rabbit“.

Но, тој ја одбил улогата затоа што сметал дека концептот на филмот е чуден. „Бев нешто како ’Што? Анимација и луѓе?‘ ми звучеше како глупости “, изјави тој во емисијата. Улогата на крајот ја доби британскиот актер Боб Хоскинс и филмот освои 3 Оскари.

„Сега секој пат кога ќе го гледам, се чувствувам како идиот“, додаде Марфи, кој ја водеше епизодата на шоуто Saturday Night Live.

Advertisements
To Top