Дожд на пониските делови, снег на планините


Викенд најава - Најинтересно во Серија А! ↓↓↓



Десеттиот ден од месец јануари во Македонија носи претежно облачно време со повремени врнежи од дожд, а на планините од снег. Попладне врнежите од дожд ќе преминуваат во снег и во некои од пониските места. Ќе дува умерен, а вдолж Повардарието повремено засилен ветер од северозападен правец.

Во Скопје претежно облачно со повремени врнежи од дожд. Ќе дува умерен до засилен северен ветер, а дневната температура ќе достигне до 8 Целзиусови степени. Маврово 2, Охрид 6, Битола 5, Крива Паланка и Берово 5, Кавадарци 9, Дојран 11.

Утре времето ќе биде променливо облачно со повремени врнежи од дожд, а на некои од повисоките места и на планините од снег. Ќе дува умерен, а долж Повардарието повремено засилен ветер од северозападен правец. Дневните температури ќе се движат од 2 до 9 степени.