Џони Деп и порано ги изненадувал обожавателите појавувајќи се во костимите на своите познати филмски ликови. Овојпат повторно се претвори во Ебенезер Скруџ и ги затекна њујорчаните неподготвени.
Актерот, кој има 63 години, се појави во истиот лик на „Комик-кон“ во јули 2026 година, а сега повторно го облече костимот пред прикажувањето на „Ебенезер“ во кината.
Во понеделникот вечерта, на 2 ноември, Деп дојде во Брајант парк во Њујорк, целосно костимиран и нашминкан како Скруџ.
Тој беше снимен како зема божиќни колачиња и ги фрла на земја, соборува новогодишна елка и влегува во расправии со луѓето на плоштадот.
За што раскажува „Ебенезер“?
Филмот нуди ново видување на познатата приказна за духови, со Деп во улогата на непријатниот Ебенезер Скруџ. Во текот на една незаборавна бадникова вечер, Ебенезер се соочува со своето минато, сегашност и иднина на натприродно патување што ќе ја одреди неговата конечна судбина.
Кој друг игра во филмот?
Во „Ебенезер“ настапуваат и Руперт Гринт, Андреа Рајзборо, Сем Клафлин, Дејзи Ридли, Артур Конти, Ели Бамбер, Хенри Лојд-Хјуз, Чарли Марфи, Трамел Тилман и Ијан Мекелен.
Режисер е Тај Вест, најпознат по трилогијата „X“ со Миа Гот.
Филмот пристигнува во кината на 13 ноември.
Извор: Just Jared
Учество во игри на среќа е дозволено за лица со 18+ години. Играј одговорно!