Дали сте „girlfriend fluffer“? Дали несвесно го подготвувате вашиот партнер за следната врска

На социјалните мрежи сè повеќе се зборува за еден љубовен образец, а многу жени во него ја препознаваат својата приказна.

Станува збор за феномен познат како “girlfriend fluffer” — ситуација во која му давате поддршка на партнерот, му враќате самодоверба, ги лекувате неговите несигурности и вложувате максимум напор, а тој потоа заминува и многу брзо сериозно се врзува за некоја друга.

Звучи брутално, но стручњаците велат дека вакво сценарио се случува почесто отколку што се мисли.

Најчесто почнува така што едната страна дава сè: разбирање, трпение, мотивација, емотивна стабилност и бескрајни шанси. Другата страна ужива во таа сигурност, но не е подготвена за сериозна врска. Кога се опорави, емоционално застане на нозе и повторно почувствува самодоверба, често продолжува понатаму.

Проблемот не е во тоа што некој е „недоволно добар“, туку што односот не бил рамноправен од почеток.

Стручњаците за врски нагласуваат дека е клучно да се обрне внимание на взаемноста. Ако едната личност постојано вложува енергија, решава туѓи проблеми и чека другата да се „промени“, односот лесно преминува во исцрпувачка динамика.

Особено е важно да не влегувате во врски со идеја дека љубовта ќе поправи некому. Партнерот не е проект, а врската не е рехабилитационен центар.

Како да се избегне оваа замка? Јасно поставете стандарди, отворено разговарајте за очекувањата и посматрајте ги делата, а не ветувањата. Ако другата личност не вложува исто, не покажува доследност и не сака истото што и вие — одговорот е веќе тука.

Најголемата лекција? Љубовта не треба да биде борба за нечија внимание. Правата врска донесува мир, сигурност и чувство дека двете лица одат во ист правец. Сè останато е губење време во дизајнерска амбалажа.