Актуелно

Бројот на исчезнати во поплавите во Германија се искачи на 50

Силно невреме со обилни дождови ја зафати западна Германија. Во поплавите загинаа шест луѓе, шест куќи се урнаа, а околу 50 лица се водат како исчезнати.

Портпаролот на полицијата во Кобленц потврди дека шест лица го загубиле животот под засега неутврдени околности. Нивните тела биле пронајдени на различни места.

Други 25 куќи се изложени на ризик од уривање во областа Шулд кај Аденау, пренесува „Билд“.

„Пожарникарите и спасувачите се испратени на повеќе места. Сè уште немаме точна слика за ситуацијата бидејќи во тек се операции за спасување”, изјави портпаролот на полицијата.

Некои места се отсечени од светот поради надојдените води. Многу граѓани се искачија на покривите на своите куќи чекајќи спасувачките екипи да стигнат до нив со брод.

To Top