Американците нарачуваат пица преку Македонија: Бизнис за млади во Охрид и Дебар

Над десетина илјади пицерии во 2000 градови во САД добиваат порачки по пат на кол-центар во Македонија.

Се наведува дека 300 вработени во фирмата „Слајс“, лоцирани во Дебар и Охрид, секојдневно нуди помош преку телефон за 10-20 илјади американски корисници.

МИА наведува дека се работи за инвестиција на Дебарецот, Илир Села, кој повеќе од две децении живее и работи во САД, а од градоначалникот на Дебар, добил посебна плакета за допринос во намалувањето на невработеноста, особено меѓу младите.

Неговата фима во Дебар има 147, а во Охрид 150 вработени, а најавува и нови 100 работни места. Објаснува дека по пат на платформа на оваа фирма, корисниците во САД по пат на интернет нарачуваат пици и од вработените во Македонија имаат 24-часовна поддршка.

Сопственикот на фирмата наведува дека во неа просечната старост на вработените е од 24 до 28 години и дека се работи за лица од сите националности кои живеат во двете општини каде центрите се наоѓаат.