29 годишниот Тристен Аслани, член на албанската банда, отслужува 42 години казна затвор во британскиот затвор поради дрога и оружје, а воопшто не му паѓа тешко.
На својот Инстаграм профил покрај фотографиите тој пишува дека во затворот ги има сите услови, а единствено што му недостига се проститутки.
„Дури и во затвор ги имам сите услови, ми недостигаат само ку**и“, напиша тој.
Аслани е затворен откако по една полициска потера со својот автомобил се забил во продавница. Во неговиот автомобил биле пронајдени 21 килограм кокаин и полуавтоматско оружје.
Портпарол на затворот изјави дека однесувањето на Аслани е недозволиво и додаде дека ги избришале содржините од социјалните мрежи.
„Тие кои ги прекршуваат затворските правила ги очекуваат строги казни, вклучувајќи и дополнително време зад решетки“, изјави тој додавајќи дека активно се обидуваат да спречат употреба на мобилни телефони во затворот и дека инвестирале околу 2 милиони фуни за блокирање на сигнал во затворите низ земјата.
