Ѕвездите на „Вижнквест“ неделава се собраа на специјална проекција на последната епизода од серијата.
Пол Бетани, Емили Хемпшир и Џејмс Спејдер му се придружија на креаторот Тери Маталас на настанот што се одржа во понеделникот, на 9 ноември, во „Њујорк Хадсон сквер театар“ во Њујорк.
Финалето беше прикажано пред сала исполнета со обожаватели, а потоа актерите и Маталас излегоа на сцената за да одговараат на прашања од публиката.
За што се раскажува во „Вижнквест“?
По рестартирањето и бегството од оние што сакале да го претворат во оружје, Вижн живее во тајност. Во потрага по нова смисла, тој се советува со личностите со вештачка интелигенција вградени во неговиот програмски код, меѓу кои се Ф.Р.И.Д.А.Ј., Е.Д.И.Т., Џ.А.Р.В.И.С. и озлогласениот Ултрон. Неговиот мирен живот завршува кога за него е распишана награда, поради што тргнува во бегство со Томас Шепард, мистериозно момче кое можеби е реинкарнација на неговиот син. За да преживее и да избегне да биде фатен, Вижн мора да се соочи со сопствената природа, да му се спротивстави на влијанието на Ултрон и да ја разреши мистеријата околу својот млад придружник.
Со оваа серија се заокружува трилогијата што ја сочинуваат и „ВандаВижн“ и „Агата ол алонг“.
Во актерската екипа се и Рори Молика, Тод Сташвик, Т’Нија Милер, Лорен Мораис, Орла Брејди и Дајан Морган, како и други актери.
Последната епизода беше објавена на „Дизни+“ во вторникот, на 10 ноември. Таа донесе неколку значајни моменти, меѓу кои и сцена по одјавната шпица која, по сè изгледа, не била прикажана на проекцијата.
Извор: Just Jared
Учество во игри на среќа е дозволено за лица со 18+ години. Играј одговорно!