Ашер и Крис Браун откажаа уште еден настап од заедничката турнеја.
Ар-ен-би ѕвездите требаше да настапат во понеделник, на 16 ноември, на стадионот „СоуФај“ во Лос Анџелес, но според ТМЗ, концертот е откажан.
Медиумот објави снимка од екранот на корисничка сметка на „Тикетмастер“, на која настанот е означен како „откажан“. На купувачите ќе им бидат вратени парите за билетите.
Откажувањето се случува додека се шират гласини за кавга меѓу двајцата пејачи по наводен инцидент зад сцената на концерт во Атланта.
Според објавените информации, нивниот настап на 5 ноември почнал со три часа задоцнување, а потоа бил скратен поради правилото според кое морало да заврши до полноќ.
Извори тврдат дека причината за доцнењето бил сообраќајниот метеж околу местото на одржување. Според еден од изворите, Крис сакал да го одложи почетокот за обожавателите да можат да го проследат целиот концерт, додека Ашер инсистирал да почнат навреме. Тоа, наводно, предизвикало „тензии зад сцената“.
Крис подоцна се огласи преку стори на Инстаграм со порака што беше протолкувана како демант на гласините.
„Лаги на интернет. Не наседнувајте“, напиша тој.
Во октомври беа откажани четири концерти од турнејата, а како причина беа наведени „здравјето и благосостојбата“.
Извор: Just Jared
Учество во игри на среќа е дозволено за лица со 18+ години. Играј одговорно!