Само две епизоди од четвртата сезона на „Позлатеното доба“ беа доволни за неколку значајни пресврти.
Меѓу сцените за кои најмногу се зборува е интимната ноќ на Меријан, која ја игра Луиза Џејкобсон, и Лари, во толкување на Хари Ричардсон. Нивните ликови досега се разделуваа и повторно се зближуваа, а сè уште не се во брак.
Луиза Џејкобсон одговори на незадоволството од приказната
На дел од фановите не им се допаѓа постојаната паника на Меријан дека би можела да го изгуби угледот. Многумина се прашуваат и зошто во втората епизода од четвртата сезона таа повторно ја одбила понудата на Лари за брак.
Осврнувајќи се на реакциите, Луиза изјави за „Рафинери29“: „Не го пишуваме ние ова. Го добиваме сценариото и мораме да застанеме зад него, да го прифатиме и да го направиме свое, но тоа понекогаш е навистина, навистина тешко“.
„Прашавте дали следиме што зборуваат луѓето на интернет. Јас следам, за добро или за лошо, искрено… Лесно е да се оптовариш со она што мислиш дека другите го сметаат за погрешно кај твојот лик. Разбирам, но мислам дека се обидов да се ослободам од потребата да им угодувам на многу луѓе на кои едноставно не може да им се угоди“, продолжи таа.
„Тие живееле во многу, многу поинаков свет и имале сосема поинаков однос кон сексот. Лесно е тоа да се заборави покрај сите други прекрасни, богати приказни, чии проблеми на моменти делуваат многу современо. Но, оваа приказна е многу цврсто вкоренета во времето во кое се одвива“, додаде актерката.
Кратка порака од Хари Ричардсон до загрижените гледачи
„Издржете“, порача Хари.
Се надоврза и Бен Алерс, кој го игра Џек Тротер: „Издржете! Ова е навистина убава приказна“.
Извор: Just Jared
Учество во игри на среќа е дозволено за лица со 18+ години. Играј одговорно!