Манекенката и актерка Туки Смит, поранешна партнерка на Роберт де Ниро и мајка на нивните близнаци, почина на 74-годишна возраст по борба со мултиплекс склероза.
Нивните деца, Ејрин и Џулијан, ја потврдија веста за „Холивуд репортер“ во понеделникот, 9 ноември. Смит починала во средата, 4 ноември, во Њујорк.
„Туки беше незапирлива сила. Остави неизбришлива трага во нашите срца и кај сите што ја имаа среќата да ја познаваат“, изјавија Ејрин и Џулијан.
Смит беше позната манекенка, а се појави и во хумористичната серија 227 на Ен-би-си.
Таа и Де Ниро, кој има 83 години, живееја заедно од 1988 до 1996 година. Близнаците Ејрин и Џулијан ги добија во 1995 година преку сурогат-мајка.
Со првата сопруга, Дајан Абот, Де Ниро ги има посвоената ќерка Дрена, која има 59 години, и синот Рафаел, кој има 50 години. Со поранешната сопруга Грејс Хајтауер ги има 28-годишниот син Елиот и 14-годишната ќерка Хелен, а со сегашната партнерка Тифани Чен ја има тригодишната ќерка Џиа.
Во април 2025 година, Ејрин, ќерката на Смит и Де Ниро, јавно соопшти дека е трансродова жена.
„Секако, ниту еден родител не е совршен, но благодарна сум што и двајцата мои родители се согласија да ме држат подалеку од очите на јавноста. Сакаа да ја зачуваат нашата приватност“, изјави Ејрин за „Дем“ во текст објавен во тој период. „Ми кажаа дека сакале да имам што е можно понормално детство.“
Де Ниро јавно ја поддржа својата ќерка. Во изјава за Вараети рече: „Го сакав и го поддржував Арон како мој син, а сега ја сакам и ја поддржувам Ејрин како моја ќерка. Не разбирам зошто околу тоа се крева толкава врева. Ги сакам сите мои деца.“
Во интервју за „Дем“ во октомври 2025 година, Ејрин зборуваше за поддршката што ја добивала од својот татко, добитник на Оскар, во текот на транзицијата.
Извор: US Weekly
Учество во игри на среќа е дозволено за лица со 18+ години. Играј одговорно!