По пресудата од 10 и пол години затвор за Расел Бренд, повторно актуелни зборовите на Кејти Пери за неговата потреба за контрола

Изјавите на Кејти Пери за нејзиниот поранешен сопруг Расел Бренд повторно се во фокусот по изрекувањето на неговата затворска казна.

Во интервју за Вог од 2013 година, пејачката зборуваше за неговото однесување во текот на нивниот 14-месечен брак, особено додека таа била на турнеја.

„На Расел не му се допаѓаше тоа што јас го имав главниот збор на турнејата“, изјави таа. „Тоа навистина ме повредуваше. Имаше голема потреба да ме контролира, што ме вознемируваше.“

Пери раскажа и дека, кога се запознале, тој „сакал рамноправна партнерка“.

„Мислам дека силните мажи често сакаат рамноправна партнерка, но кога ќе ја добијат, реагираат како да велат: Не можам да се носам со таа рамноправност“, објасни таа.

За разводот ја известил со СМС-порака

Двојката се венча во Индија во октомври 2010 година, а се раздели нешто повеќе од една година подоцна. Во декември 2011 година, пејачката на „Dark Horse“ добила порака од Бренд во која ѝ соопштил дека планира да поднесе барање за развод. Во тој период таа го снимала документарецот Katy Perry: Part of Me, објавен во 2012 година, во кој е прикажана и нејзината реакција.

Во документарецот Пери кажа дека направила „сѐ што е потребно за бракот да не пропадне“, но дека тој „сепак пропаднал“.

„И лошото што доаѓа заедно со доброто е дел од едно патување, а јас научив толку многу од тоа патување“, рече тогаш.

Бренд осуден на 10 години и шест месеци затвор

Во понеделникот, на 9 ноември, актерот од Get Him to the Greek беше осуден на 10 години и шест месеци затвор, откако беше прогласен за виновен по три точки за сексуален напад и една за силување.

Бренд сега е во брак со Лора Бренд, со која се венча во август 2017 година.

Извор: Just Jared