Расел Бренд е прогласен за виновен по три точки од обвинението за сексуален напад и една за силување. По пресудата, објавени се и процени за затворската казна што би можел да ја добие.
Обвиненијата се однесуваа на настани од 1999 до 2009 година. Бренд се соочуваше со седум точки од обвинението поврзани со шест жени, но не беше прогласен за виновен по сите точки.
По изрекувањето на пресудата, Бренд беше приведен и ќе остане во притвор до изрекувањето на казната во понеделник, на 9 ноември. Судот не му дозволи да се брани од слобода со кауција.
Кирсти Бримелоу, претседателката на Адвокатскиот совет, за „Скај њуз“ зборуваше за можната казна.
Според нејзината процена, Бренд би можел да добие „од шест до девет години“ затвор.
„Одлуката за кауција ја носи судијата. Според Законот за кауција, по осудителна пресуда веќе не постои правото на кауција што важи пред лицето да биде прогласено за виновно. Се применуваат поинакви правила и се земаат предвид други околности“, објасни Бримелоу.
Таа додаде: „Сосема е вообичаено судијата да оцени дека ќе биде изречена затворска казна, и тоа значително долга, па лицето може уште веднаш да почне да ја издржува“.
Извор: Just Jared
Учество во игри на среќа е дозволено за лица со 18+ години. Играј одговорно!