Пенелопе Круз и Хавиер Бардем, кои со години ги држеа своите деца подалеку од очите на јавноста, сега имаат нов повод за гордост. Нивниот петнаесетгодишен син Лео ги направи првите чекори во филмот, навестувајќи дека можеби ја наследил љубовта кон уметноста од своите славни родители.
Лео Енсинас Круз се појави во „La Bola Negra“ („Црна топка“), филм што привлече внимание уште со претставувањето на Канскиот фестивал. Станува збор за мала улога без реплики, но таа му ја донесе првата можност да застане пред филмските камери.
Сепак, ова не е неговото прво искуство во светот на забавата. Во текот на летото учествувал и во синхронизацијата на анимираниот филм „Приказна за играчките 5“, позајмувајќи му го гласот на еден од ликовите.
Неговиот интерес за актерството не го изненадил семејството. Моника Круз, сестрата на Пенелопе и тетка на Лео, која исто така е актерка, и претходно зборувала за неговиот талент. Таа истакнала дека неговата наклонетост кон уметноста ја забележувале уште кога бил мал.
Но, неговото растење се разликувало од она што често го гледаме кај децата на познатите. Пенелопе и Хавиер со години не дозволуваа нивните деца да бидат изложени на јавноста. Лео и неговата тринаесетгодишна сестра Луна растеа далеку од црвените теписи, насловните страници и медиумските настани.
Актерската двојка особено се залагала децата да имаат нормално детство и слобода сами да одлучат со што ќе се занимаваат кога ќе пораснат. Не им отворале профили на социјалните мрежи, а Лео дури неодамна го добил својот прв мобилен телефон.
Пенелопе Круз во повеќе наврати нагласувала дека не сака да влијае врз професионалниот избор на своите деца, туку да им овозможи самите да го пронајдат својот пат.
Токму затоа првата филмска улога на Лео привлекува посебно внимание. Дали ќе ја продолжи семејната актерска традиција или подоцна ќе избере сосема поинаква професија, допрва ќе се види. Засега, тој зачекори во светот што неговите родители добро го познаваат, а од кој толку долго внимателно го заштитуваа.
Извор: Story.rs
Учество во игри на среќа е дозволено за лица со 18+ години. Играј одговорно!