Роберт Дауни Џуниор и Педро Паскал заедно ја прославија Ноќта на вештерките, со костими инспирирани од нивните филмски ликови, но со заменети улоги.
Во саботата вечерта, на 31 октомври, 61-годишниот оскаровец на Инстаграм објави забавно видео со 51-годишниот актер номиниран за „Еми“. Двајцата ги покажаа костимите пред да излезат на вечерна забава.
За празникот решија да си ги заменат ликовите од „Одмаздници: Судниот ден“. Дауни Џуниор се маскираше како Рид Ричардс, познат како Мистер Фантастик, а Паскал како Виктор фон Дум, односно Доктор Дум.
Додека позираа во костимите, Дауни Џуниор на шега рече „Вкрстено облекување“, по што Паскал се изнасмеа.
„Виктор. Ричард. Размена на костими!“ напиша Дауни Џуниор во описот на објавата.
Подоцна истата вечер, двајцата беа забележани како разговараат додека заедно пристигнуваа на забава за Ноќта на вештерките во Лос Анџелес.
Извор: Just Jared
Учество во игри на среќа е дозволено за лица со 18+ години. Играј одговорно!