Кардиганите со реси внесуваат нова живост во есенските комбинации

Бохо стилот повторно наоѓа место во секојдневното облекување преку кардиганите со реси, кои сезонава добиваат посовремен изглед. Нивните текстури и впечатливи детали му даваат нов карактер на класичното плетиво. Ако сакате да внесете промена во есенската гардероба, а да ја задржите удобноста, ваквиот кардиган може да биде добар избор.

Ресите периодично се враќаат во модата, украсувајќи јакни и чанти од велур, но и здолништа и фустани. Кај кардиганите особено доаѓаат до израз, бидејќи мекоста на плетивото ја спојуваат со разиграно движење. Нивната должина, боја и распоред одредуваат дали моделот ќе има ретро нота, изразен бохо карактер или ќе внесе доза драматичност во едноставна комбинација.

Од ненаметливи детали до модели што привлекуваат погледи

За оние што претпочитаат едноставно облекување, соодветни се кардиганите со пократки реси или со дискретни детали по ракавите, долниот раб или предниот дел. Моделите во беж, сива, кафеава и црна боја лесно се вклопуваат во различни комбинации и не бараат многу размислување при изборот на останатата облека.

Кардиганите со долги реси, изразена текстура или поширок крој, пак, се за оние што сакаат едно парче да биде во центарот на вниманието. Особено впечатливо изгледаат во топли земјени нијанси, блиски до есенската палета, како и во бордо или сина боја. Со ваков модел, најдобро е останатиот дел од комбинацијата да биде едноставен.

@juliadamata

Reserved

Stradivarius

Reserved

Како да ги комбинирате оваа есен

Предноста на кардиганот со реси е што лесно се приспособува на различни стилови. За секојдневни пригоди, носете го со фармерки со прав или широк крој, едноставна маица и мокасини или патики. Ресите ќе додадат интересна текстура и на најобичната комбинација, без потреба од други впечатливи детали.

За подотеран изглед, спојте го со панталони со висок струк, едноставен топ и чизми. Пократките модели одлично се вклопуваат и со здолниште со висок струк, додека подолгите може да се носат преку тесен фустан или како дел од комбинација со чизми на потпетица.

Љубителките на бохо стилот можат да експериментираат со детали од велур, ремени и чизми, но можностите не завршуваат тука. Кардиганот со реси има место и во минималистичка гардероба, како контраст на едноставните кроеви и чистите линии.

@gabriellarollinss

@gabriellarollinss

На што да внимавате при изборот

Покрај бојата и кројот, важна е и должината на ресите. Пократките обично се попрактични за секојдневно носење и полесно се комбинираат со други парчиња облека.

Извор: Lepota i Zdravlje