Енди Коен за љубовта со Кевин Собјески: „Навистина сум среќен и сакам да го споделам тоа“

Енди Коен со задоволство признава дека е вљубен во својот партнер Кевин Собјески. Во подкастот на Карлос Кинг, во епизодата објавена во вторникот, на 20 октомври, 58-годишниот водител ја опиша нивната врска како зрела љубов во период кога се познава себеси подобро од кога било.

„Ова е навистина зрела љубов, љубов на маж со две деца кој се познава себеси подобро од кога било“, рече Коен.

Тој објасни и зошто решил јавно да проговори за врската. „Во тој период му велев: ‘Наскоро ќе морам да ја откријам тајната, бидејќи навистина сум среќен и сакам да го споделам тоа со луѓето’. Освен тоа, ми изгледаше малку лицемерно да не зборувам за ова, кога на некој начин го барам истото од другите. А и на радио многу зборувам за себе, за моите деца и за сè друго. Беше сосема природно да дојде и тој момент“, раскажа тој.

Коен првпат ја обелодени врската со Собјески во својата емисија Radio Andy, кога кажа и дека неговите деца Бен и Луси го прифатиле бизнисменот.

„Навистина го сакаат, а дури по осум месеци врска им кажавме дека ми е момче“, се присети Коен во подкастот. „Им оставив простор прво да го засакаат, а тие го засакаа уште пред да им кажам нешто.“

На крајот, водителот на Watch What Happens Live му открил на Бен дека Собјески е неговото момче.

„Ми рече: ‘О, тато. Луси и јас толку многу го сакаме, а и ти го сакаш. Сакаше да имаш момче и сега имаш’“, раскажа Коен за реакцијата на синот. „Беше толку мило и токму онака како што се надевав дека ќе биде. Смешно е, бидејќи во последните неколку години Бен ме прашуваше: ‘Тато, зошто немаш момче?’ А јас му одговарав: ‘Па, сè уште не сум го сретнал вистинскиот’.“

Извор: US Weekly