„Д војс“ во 2027 година ќе добие сезона со познати личности, а извршната продуцентка Одри Мориси откри важен детаљ за натпреварувачите, чии имиња засега не се објавени: тие веќе ќе бидат одлични пејачи, наместо во шоуто допрва да учат да пеат.
„За разлика од некои други емисии со познати личности, замислата овде не е да ги учиме луѓето да пеат. Мора навистина да знаат да пеат и да натераат некој од менторите да го сврти столчето. Прашањето е: кој ќе се осмели да излезе како самиот себе и да пее пред грбовите на црвените столчиња? Тоа е момент во кој човек е многу ранлив“, изјави Мориси за „ТВ инсајдер“.
Таа објасни дека барале спортисти, актери или можеби личности од реални шоуа кои истовремено се и „извонредни пејачи“.
Продуцентката призна дека ја изненадил нивниот натпреварувачки дух.
„Мислам дека никој од нас не очекуваше до кој степен ќе сакаат да се натпреваруваат. А потоа сфаќате: ‘Не стигнале случајно до таму каде што се. Овие луѓе упорно работат. Вложуваат труд. Сакаат да бидат најдобри што можат’“, рече таа.
Рајли Грин и Квин Латифа се враќаат како ментори во следната сезона, а ќе им се придружи и Џо Џонас. Водителка ќе биде Кики Палмер.
Сезоната „Д војс: Познати личности“ беше снимена летово во Лос Анџелес, а ќе се емитува на Ен-би-си напролет во 2027 година.
Извор: Just Jared
Учество во игри на среќа е дозволено за лица со 18+ години. Играј одговорно!