Хилари Свонк откри како успеала со месеци да ја држи својата бременост подалеку од очите на јавноста.
Актерката, која има 52 години, неодамна со симпатично видео на Инстаграм објави дека со сопругот Филип Шнајдер го очекуваат третото дете. Во описот на видеото напиша дека треба да се породи во декември, односно за помалку од два месеца.
Во гостување во подкастот Question Everything, Свонк објасни дека жителите на малото гратче во кое живее ја почитувале нејзината приватност и не ја откриле веста.
„Живеам во многу мало гратче. Тоа е местото каде што пораснав и сите таму навистина ја почитуваа мојата приватност, па веста не се прошири. Се разбира, не седам постојано дома. Работев до околу 17. недела од бременоста, така што ни на снимањето речиси никој не знаеше“, раскажа таа.
„Многу си ја чувам приватноста и немаше некоја посебна причина да кажам нешто. А потоа беше усвоен овој прекрасен закон за пелени и сакав да се појавам тука, па си реков: ‘Епа, здраво на сите, запознајте го бебето во мојот стомак’“, додаде актерката.
По објавувањето на бременоста, Свонк гостуваше и во The Drew Barrymore Show, каде што се осврна на негативните реакции кон жените што раѓаат во своите четириесетти и педесетти години.
Таа неодамна зборуваше и за храната по која копнее во текот на оваа, нејзина втора бременост. Во 2023 година роди близнаци.
Свонк наскоро повторно ќе се појави на телевизиските екрани: четвртата и последна сезона на серијата Yellowjackets ќе има премиера во ноември.
Извор: Just Jared
Учество во игри на среќа е дозволено за лица со 18+ години. Играј одговорно!