Полицијата во Охајо го уапсила 21-годишниот Тревис Ловет од Семинол, Флорида, под обвинение за тешко убиство на 18-годишната Алис Тали. Таа била застрелана во својот дом во Атвотер утрото во вторникот, на 20 октомври, а осомничениот бил приведен истата вечер на автопат.
Пред пукањето, Тали пријавила демнач кај својот дом. Околу еден час подоцна, канцеларијата на шерифот добила пријава за истрели на истата адреса, се наведува во полициското соопштение.
Тали била пронајдена со прострелни рани и подоцна им подлегнала на повредите, објави Равена рекорд-куриер. Властите за весникот потврдиле дека имала 18 години.
Според весникот, истражителите го идентификувале Ловет како осомничен дека пукал во Тали, по што со автомобил заминал од нејзиниот дом.
„Не сум сигурен дали Алис го познавала осомничениот, но постоела некаква поврзаност. Не станува збор за случајно злосторство“, изјавил за весникот Ерик Ноал, детектив во канцеларијата на шерифот.
Додека полицијата трагала по Ловет во вторникот, локалните училишта биле ставени под безбедносна блокада. Мерката била укината откако патрола на сообраќајната полиција на Охајо го привела истата вечер.
Според објава на сообраќајната полиција на Фејсбук, полицајците го запреле автомобилот на Ловет додека се движел кон југ по меѓудржавниот автопат 77 во округот Гернзи. Полицијата објавила и снимка од апсењето.
На снимката од полициска камера се гледа како полицајците го приведуваат Ловет со вперено оружје.
„Веднаш легни на стомак“, му наредил еден од полицајците.
Од сообраќајната полиција на Охајо соопштиле дека апсењето поминало „без инциденти“.
Ловет молчел додека властите го испрашувале, изјавил Зуховски за телевизијата WEWS-TV.
Извор: US Weekly
Учество во игри на среќа е дозволено за лица со 18+ години. Играј одговорно!