Ѕвездата од „Хари Потер“, Бони Рајт, го роди второто дете со Ендрју Лококо

Еден месец подоцна, Рајт сподели новости за текот на својата бременост.

„Втората бременост навистина се доживува поинаку“, напиша таа во објава на Инстаграм во мај. „Мојата енергија ме влече на една страна поради моето мало дете, а на друга поради тоа што во моето тело растат мали органи. Количината на крв во телото ми е двојно зголемена. Чувствувам мачнина или вртоглавица. Барам поврзаност… Чекам и тие да се поврзат со мене. Да ми покажат кои се и во кого ме претвораат. Сѐ е непознато. Сѐ се одмотува. Патување што никогаш не завршува 🌸.“

Рајт и Лококо, кои стапија во брак во март 2022 година, првпат станаа родители кога во септември 2023 година го добија синот Елио.

„Кажете му здраво на Елио Оушн Рајт Лококо, роден дома во вторникот, на 19 септември“, објави тогаш таа на Инстаграм. „Сите сме здрави и среќни. Ендрју и јас сме бескрајно вљубени во нашето сонце! Неизмерно сме благодарни на тимот што беше со нас при породувањето, ни ја држеше раката низ целиот процес и го направи ова искуство толку радосно и исполнувачко.“

Откако изјави дека „породувањето е најдивото искуство“, Рајт му оддаде признание на Лококо, нарекувајќи го своја „цврста потпора“ за време на раѓањето.

Извор: US Weekly