Таратур препорака: Издвојуваме серии базирани на вистинити настани

Сериите базирани на вистинити настани се одличен избор за сите кои сакаат напнати заплети, неочекувани пресврти и приказни кои остануваат во мислите и по последната епизода. Од големи измами и криминалистички случаи до потресни лични судбини, овие наслови носат приказни кои навистина се случиле, секако, со доза драматизација која ги прави уште поинтересни за гледање. Ако сте во потрага за следниот наслов за гледање, особено ако ви снемало идеи што да пуштите на омилената стриминг платформа, издвоивме серии кои вреди да ги додадете на вашата watchlist.

Серии базирани на вистинити настани

Unbelievable

Што се случува кога жртвата не добива верба ни од полицијата ни од околината? Токму со тоа прашање се занимава Unbelievable, криминалистичка драма инспирирана од вистински случај, базирана на истражувачката новинарска приказна An Unbelievable Story of Rape. Приказната започнува кога млада жена пријавува сексуален напад, но наскоро се соочува со сомнежи од полицијата и луѓето од нејзината околина. Додека нејзината пријава се доведува во прашање, две детективки во друг дел од земјата истражуваат слични напади и се обидуваат да најдат врска меѓу случаите. Во главните улоги се Кејтлин Девер, Тони Колет и Мерит Вевер, а серијата се истакнува со суптилен пристап кон траумата, истрагата и начинот на кој институциите ги третираат жртвите.

The Dropout

Амбиција, милијарди долари и ветување дека ќе ја промени медицината, сето ова стои зад приказната за Елизабет Холмс, основачката на компанијата Theranos. Холмс привлече огромно внимание од инвеститорите и јавноста со ветување кое звучеше револуционерно: дека голем број лабораториски анализи може да се извршат со само неколку капки крв. Таа околу таа идеја изгради компанија, привлече моќни инвеститори и стана една од најпознатите млади претприемачи во светот на технологијата.

Меѓутоа, по некое време, стана јасно дека технологијата не функционира онака како што беше претставено. Истражувањата открија дека нејзината фирма не може да ги исполни своите ветувања, а Холмс на крајот беше осудена за измама на инвеститорите. Во серијата, Аманда Сејфрид ја толкува улогата на Елизабет Холмс, додека Навин Ендрус ја игра улогата на Сани Балвани, нејзин деловен партнер и поранешен емотивен партнер.

Inventing Anna

Уште една серија на нашата листа која истражува амбиција и желба за успех по секоја цена е Inventing Anna, овојпат преку приказната за млада жена која се обидува да се пробие во светот на њујоршката елита, иако нејзиниот живот не е ни приближно таков каков што го претставува. Серијата го следи случајот на Ана Сорокин, позната под името Ана Делви, која изгради имиџ на богата германска наследничка и успеа да се приближи до богатите и влијателни луѓе, додека од банки, хотели и познаници прибираше пари и услуги.

Inventing Anna е создадена според истражувачкиот текст на новинарката Џесика Преслер, How Anna Delvey Tricked New York’s Party People, објавен во магазинот New York во мај 2018 година. Нетфликсовата серија, создадена од Шонда Рајмс, ја следи и новинарката која го истражува случајот на Ана. Ако ве интересираат измами и психологија на општествениот престиж, оваа серија покажува колку далеку може да оди личност која знае како да остави вистински впечаток.

The Staircase

Серијата се занимава со случајот на Мајкл Петерсон, американски писател чие сопруга Кетлин беше пронајдена мртва на подножјето на скалите во нивната куќа во 2001 година. Петерсон тврдеше дека паднала, но подоцна беше обвинет за нејзиното убиство. Траги од крв, повреди на нејзиното тело и контрадикторности во неговата приказна станаа дел од истрагата која подоцна прерасна во долготрајна правна битка. Како што истрагата напредува, на површина излегуваат семејни тајни, а децата на Мајкл и други блиски луѓе се соочуваат со прашањето дали да му веруваат.

Серијата го следи и самиот судски процес, во кој се суп…

Извор: Lepota i Zdravlje