Познатата Dr. Althea 345 крема сега достапна како серум

Ако сте во последниве години барем еднаш влегле во светот на K-beauty, големи се шансите дека сте наишле на Dr Althea 345 Relief Cream. Познатата 345 формула доби уште една верзија, овој пат во полесна текстура која е особено интересна за сите кои го сакаат чувството на серум на кожата. Dr. Althea 345 Relief Serum сега е достапен и кај нас, па еден од производите кој привлече внимание на љубителите на корејската козметика конечно можеме да го додадеме во нашата рутина за нега на кожа без да нарачуваме од странство. За разлика од класичната крема, Dr Althea 345 Relief Serum има лесна текстура која брзо се впива и е наменета за кожа која има потреба од смирување, хидратација и поддршка на кожната бариера. Формулата е дизајнирана така што одговара и на чувствителна и проблематична кожа, без тежок осет по нанесувањето.

Dr. Althea 345 Relief Serum е нова верзија на познатата 345 формула

Бројот 345 неслучајно стана заштитен знак на оваа линија. Оригиналната 345 Relief Cream комбинира состојки наменети за изедначување на тенот, хидратација и смирување на кожата, а токму таа идеја е пренесена и во серумската верзија. Кај Dr. Althea 345 Relief Serum фокусот е на лесна секојдневна нега која може да се вклопи во различни типови рутини. Тоа го прави особено интересен за оние на кои класичните богати креми им се претешки, но сепак сакаат производ кој ќе понуди повеќе од обична хидратација.

Што содржи формулата?

Формулата на Dr. Althea 345 Relief Serum содржи неколку состојки кои веќе се добро познати во современата нега на кожа. Тука се ниацинамид, пантенол, чајно дрво, центела, madecassoside, ресвератрол и керамид NP, заедно со повеќе облици на хијалуронска киселина.

Ниацинамидот е интересен поради својата разновидност и може да биде корисен за кожа склона на неправилности и нееднаков тен, додека пантенолот и керамид NP придонесуваат за хидратација и поддршка на кожната бариера. Центелата и madecassoside често се избираат кога целта е смирувачка нега, особено кај кожа која лесно реагира на надворешни влијанија.

Хијалуронската киселина дополнително придонесува за хидратација, па серумот не остава впечаток на производ наменет исклучиво за проблематична кожа. Напротив, неговата текстура и состав можат да го направат интересен и за секојдневна рутина на нормална, мешана или мрсна кожа.

Зошто ни се допаѓа серумската текстура?

Една од причините поради кои серумите се толку популарни е тоа што овозможуваат слоевита нега без чувство на тежина. Dr. Althea 345 Relief Serum тука носи предност: се нанесува по чистење и тоник, брзо се впива, а над него можете да додадете крема која одговара на вашиот тип на кожа. Тоа значи дека можете да ја прилагодите рутината на сезоната. За време на потоплите денови серумот може да биде доволен со лесна хидратантна крема и SPF, додека во периоди кога кожата има потреба од повеќе комфор можете над него да нанесете побогата крема.

Кому му е наменет Dr. Althea 345 Relief Serum?

Овој серум особено ќе биде интересен за лица со чувствителна, иритирана, дехидрирана или кожа склона на неправилности. Истовремено, лесната текстура значи дека не мора да биде резервиран само за таква кожа. Според достапните податоци за производот, наменет е за сите типови кожа, а формулата е тестирана и за чувствителна кожа. Затоа може да биде добар избор за моменти кога рутината за нега на кожа треба да биде поедноставна. Наместо многу различни активни производи, еден смирувачки серум може да стане чекор помеѓу чистење и крема.

Како се користи Dr. Althea 345 Relief Serum?

Серумот се нанесува по чистење на лицето и, по желба, тоник. Доволно е неколку капки рамномерно да се нанесат на лицето и нежно да се тапкаат додека производот не се впие. Потоа следи хидратантна крема, а во утринската рутина задолжително и SPF. Производителските насоки наведуваат дека може да се користи наутро и навечер. Ако веќе користите повеќе активни состојки, нема потреба целата рутина да ја менувате одеднаш. Dr. Althea 345 Relief Serum може едноставно да се воведе како смирувачки и хидратантен чекор, особено во денови кога сакате да ѝ дадете на кожата малку повеќе одмор.

Dr. Althea 345 Relief Serum пристигнува во вистинско време

Популарноста на 345 линијата не е тешко да се разбере: современата рутина за нега на кожа се повеќе се оддалечува од идејата дека на кожата ѝ се потребни што повеќе производи. Наместо тоа, вниманието е на формули кои истовремено хидрираат, смируваат и поддржуваат кожната бариера. Затоа Dr. Althea 345 Relief Serum пристигнува во вистинско време. Го задржува она поради што 345 линијата стана препознатлива, но класичната кремаста текстура ја замени со полесен серум кој лесно се вклопува во секојдневната рутина. А фактот дека сега е достапен и во Македонија значи дека љубителите на K-beauty производи конечно ќе можат да го пробаат многу полесно.

Фото: leco.rs, Instagram / @dr.altheaglobal

Извор: Lepota i Zdravlje