Зошто е здраво да се јаде путер од кикирики?

Зошто е добро да се јаде путер од кикиритки?

Кога бевме деца, јадевме што и да посакавме, а сега само размислуваме колку калории има некоја храна и дали е добра за нашето здравје.

Можеме ли да јадеме путер од кикиритки без грижа на совест? Секако дека можеме – бидејќи е полн со корисни нутриенти важни за телото. Прочитајте повеќе…

Извор на протеини

Две лажици кикиритков путер се сосема доволни ако сакате да се храните здраво и умерено. Овие две лажици содржат околу 7 грама протеини. Затоа, комбинацијата на овој путер со леб е одличен избор за појадок или меѓуоброк. Како храна богата со протеини, подолго ве задржува сити. Ако вежбате, уште подобро – бидејќи протеините се важни за изградба на мускулите, а путерот од кикиритки ги има во доволна количина.

Добар е за срцето

Путерот од кикиритки го поддржува здравјето на срцето. Иако содржи заситени масти, исто така содржи и високо ниво на незаситени масти кои се корисни за срцето и неговата функција – се разбира, ако се консумира со мера.

Содржи повеќе калиум

Многумина од нас преку исхраната внесуваат премногу натриум, кој може да има негативни ефекти врз кардиоваскуларниот систем. Путерот од кикиритки е одличен природен извор на калиум, кој придонесува за баланс и го намалува негативното влијание на натриумот.

Содржи здрави масти

Иако е малку помасен, покрај заситените масти, путерот од кикиритки содржи многу повеќе незаситени масни киселини. Тоа значи дека е добар извор на здрави масти – на исто ниво со маслиновото масло или авокадото. За здраво тело, неопходен е добар внес на вакви масти.

Богат е со влакна

Две лажици од овој вкусен путер не само што нудат доволно протеини туку обезбедуваат и околу 2 грама растителни влакна. Влакната се многу важни за нормално функционирање на организмот. Иако ги внесуваме и преку други оброци, овој путер е одличен додаток за зголемување на дневниот внес на влакна.

Преполн е со корисни нутриенти

Протеини, влакна, здрави масти, калиум, антиоксиданси, магнезиум – сето ова го содржи кикиритковиот путер. И списокот не застанува тука. Една порција содржи околу 3 mg витамин Е, како и приближно 49 mg магнезиум – кој е одличен за мускулна маса и зајакнување на коските. Има малку и витамин Б6 (околу 0.17 mg). Исто така, содржи и цинк, кој го подигнува имунитетот и го зајакнува организмот.