Заборавете на шалот – овој моден детал е новиот зимски фаворит на сите стилизирани девојки

Кој би помислил дека крајниот трик за подигнување на секој зимски, лежерен стајлинг веќе се крие во вашиот плакар?

Во сезона кога трендовите се менуваат побрзо отколку што можете да напишете „во кошничка“, најпаметниот потег е да останете верни на сопствениот автентичен стил, но со неколку свежи додатоци што ќе ви го донесат тој effortless „wow“ момент.

А оваа зима сè се врти околу паметно слоевито облекување — но со еден неочекуван пресврт: шаловите повеќе не се главната ѕвезда во зимската мода.

Да, звучи необично — зима без класичен, џиновски, мек шал? Всушност, шалот не исчезнува… едноставно добива многу поинтересна улога. Наместо него, најстилски девојки низ модните метрополи посегнуваат по парче кое сите го имаме: обичен, топол, cosy џемпер.

Да, правилно прочитавте — џемпер на место на шал. Тренд што Французинките го носеа уште во есен, небрежно префрлен преку рамена како еден chic „мини капут“, сега се враќа во надградена, зимска верзија. Модните инсајдери го претворија во најатрактивниот layering трик на сезоната: еден џемпер на вас, друг префрлен преку рамената. Толку едноставно, а толку ефектно што веднаш дава дизајнерски изглед на секој аутфит.

Најважно од сè, ова е трик што е:

– практичен,
– бесплатно достапен (бидејќи веќе имате барем еден омилен џемпер),
– и неверојатно инстаграмичен.

А доколку ви треба уште малку „cool girl“ енергија, уличната мода веќе шепоти нов хит: триаголен шал. Ретро, романтичен, малку бохо, малку шик — идеална замена за сите што сакаат нешто ново, но не се подготвени да се откажат од топлината околу вратот.

Но, искрено? Ако буџетот ви е моментално на фаза „не трошиш без потреба“, трикот со џемперот е спас. Без ни денар дополнително, добивате изглед што изгледа премиум, модерен и како да штотуку сте излегле од некоја миланска улица за време на Модна недела.

Официјално — зимата стана многу поинтересна.