Точки, металик, мрежа…
Хулахопките се моден аксесоар кој низ годините имаше и блескави моменти, но и периоди кога целосно се повлекувале од модната сцена. Некои дизајнери ги сметаат за совршен стилски детаљ, додека пак други за тотален промашај. Но, едно е сигурно – хулахопките имаат свои адути. Го обликуваат телото, ги прикриваат сите несовршености, топлат и штитат од временските услови, а притоа му даваат посебен шмек на изгледот.
Од наша гледна точка, хулахопките добиваат зелено светло. За среќа, истото важи и за дел од големите имиња на модната индустрија, кои без проблем ги носат и комбинираат во секоја можна прилика, покажувајќи слабост кон овој моден додаток.
Понудата на хулахопки за оваа сезона е навистина богата: со смели логоа, мрежести, со металик сјај, со ѕвездички, светки и најразлични други декоративни детали.
Ние избравме неколку модели што веднаш ни го привлечија вниманието, по брзо пребарување во нашите омилени продавници. Овие хулахопки го освојуваат погледот и се вистинско освежување за секоја празнична комбинација.
Учество во игри на среќа е дозволено за лица со 18+ години. Играј одговорно!