Амазон плати 40 милиони долари за документарец за Меланија Трамп

Од Белата куќа до големото платно: документарецот што ќе открие сè она што Меланија никогаш не го изговорила јавно!

Амазон повторно предизвика голем интерес во Холивуд, откако откупи права за документарниот филм „Меланија“ за вртоглави 40 милиони долари. Светот со нетрпение очекува што се крие зад завесите на животот на најзатворената Прва дама на Америка.

Филмот, зад кој стои контроверзниот режисер Брет Ратнер – човекот кој се враќа во филмската индустрија после седум години пауза – ги следи дваесетте најинтензивни денови од животот на Меланија Трамп, деновите пред инаугурацијата во 2025 година. Премиерата е закажана за 30 јануари 2026 година, а очекувањата се, најблаго речено, огромни.

Amazon MGM Studios ќе го издаде „Меланија“ исклучиво во киносали во САД и избрани меѓународни територии на 30 јануари.

Филмот нуди безпреседан увид во деновите што водат до претседателската инаугурација, гледано низ очите на идната Прва дама…

За разлика од типичните политички документарци, „Меланија“ навлегува подлабоко од службените насмевки, дизајнерските фустани и студената елеганција. Филмот се обидува да ја покаже жената која балансира помеѓу јавната должност и приватната тишина, помеѓу раскошот и осаменоста на Белата куќа. Продуцентите ветуваат дека публиката ќе „гледа низ нејзините очи“ – од изборот на тим до деталите за тоа како Белата куќа се претвора во вистински дом.

Во една од ретките изјави, Меланија изјави дека проектот е „поглед во мојата вистинска секојдневност“, додавајќи дека снимањата сè уште траат. Инспирацијата за филмот делумно доаѓа од нејзината автобиографија, која се распродава со неверојатна брзина, а Амазон планира и мини-серија за нејзиниот живот помеѓу Њујорк, Вашингтон и Палм Бич.

Amazon MGM ќе го прикаже документарецот за Првата дама Меланија Трамп исклучиво во киносали во САД и одредени меѓународни пазари на 30 јануари 2026 година.

Дополнителна тежина на проектот му дава и враќањето на Ратнер, познат по хитовите „Rush Hour“ и „Red Dragon“. По бурниот скандал од 2017 година и неколкугодишниот престој во Израел, Ратнер повторно застанува зад камерата, и тоа со тема што веќе предизвикува поделени мислења.

Филмот „Меланија“ не изгледа како уште едно политичко поглавје, туку повеќе како психолошки портрет на жена која живеела во сенката на моќта, но никогаш не ја изгубила контролата врз сопствениот имиџ. Тивка, мистериозна и често погрешно разбрана, Меланија Трамп, изгледа, се враќа со намера да му покаже на светот дека зад секоја дилема постои приказна што вреди да се чуе.