Мокасинки – тивка, но неодолива доза луксузна класика за секоја пригода

Мокасинките се тајната на обувките што се наоѓаат некаде “помеѓу” – совршена комбинација на удобност и лежерна елеганција.

Идеални се за трансфер од летна во есенска гардероба, и не е случајно што се сметаат за моден класик. Како совршено кроениот пар фармерки што преживува трендови и микро-трендови, така и добар пар мокасини останува во гардероберот долги години, верен на вашиот стил и секоја сезона.

Ако постои еден пар обувки во кој вреди да инвестирате при замена на сезоните, тоа се токму мокасинките. Без напор, удобни и разновидни – се носат со сè и веднаш додаваат нота на стил, дури и кога времето е непредвидливо. Со корени уште од раниот 20-ти век, овие обувки се омилени кај генерации стилски икони и денеска имаат централно место во гардеробата на модерната, софистицирана жена.

Ако веќе сте уморни од патики, не сакате повеќе сандали, а не сте уште подготвени за чизми – време е да ги доживувате мокасинките како нов stylish избор. Иако често се поврзуваат со деловен изглед, нивната моќ да заблескаат и во кежуал комбинации е недвосмислена. На прв поглед можат да изгледаат минимално, но во стајлингот создаваат елегантни, интересни и софистицирани комбинации.

Зошто се мокасинките совршени за есен

Без мака: Без врвки, без патенти – само ги облекувате и излегувате.

Се комбинираат со сè: Фармерки, панталони, здолништа, фустани, со чорапи или без – секогаш изгледаат добро.

Идеални за преодниот период: Од лето кон есен, мокасинките се вашиот моден сојузник.

Елеганција без врева: Дискретно додаваат сериозност и стил, без претерување.

Кој тип да го изберете?

Класичен кожен модел: За долготраен стил, изберете црни или кафени модели од мазна кожа.

Chunky ѓон: За младешки, streetwear изглед – дава висина и стил без компромис.

Со детали: Bit тока, реси или метални детали – за оние што сакаат храбар моден израз.

Лак или сомот: Совршени за вечерни излегувања или порафиниран office изглед.

Како да ги стилизирате

Cropped панталони што ја откриваат глуждот: Класичен градски изглед – мокасинки + cigarette панталони + тенок џемпер или кошула + сако. Глуждот се покажува и внесува опуштеност во целата комбинација.

Мини здолниште или фустан со чорапи: Од разиграниот Miu Miu school-girl стил до ретро chic вибрации од 60-тите – мокасинките со проѕирни или дебели чорапи внесуваат женствена, разиграна нота во изгледот.

Фармерки и блејзер: Straight-leg фармерки + машки блејзер + мокасинки = рамнотежа меѓу удобност и структура за нестабилно време.

Костим: Power-dressing во порелаксирана верзија – oversized сако + прилагодени панталони + мокасинки наместо потпетици.

Кожени панталони: Statement и edgy комбинација – мокасинки + кожени панталони + wide сако = минималистички edgy chic.

Бели фармерки: Со бели фармерки и кошула со пруги добивате совршен аутфит за премин од лето кон есен.

Мокасинките не се само обувки – тие се моден став, мал луксузен допир и моментална елеганција која ве следи низ секој стил и сезона.