Со него сакаше брак и деца: Судбината ја спои Недa Украден со саканиот маж по три децении

Големата љубов на Неда Украден е опишана во нејзината автобиографија…

Возбудувањата на љубовен план не ѝ недостасувале на Неда Украден, но само за двајца мажи посакала да се омажи. Првиот беше Милан Билбија, нејзиниот сопруг и татко на нејзината ќерка Јелена, а вториот – згодниот доктор од Белград – се појавил нешто подоцна во нејзиниот живот.

— Мојот згоден, шармантен Белграѓанец го запознав на музичко-модна манифестација во Македонија, каде настапувавме и двајцата – тој како манекен, јас како пејачка. Бевме речиси на иста возраст, со пропаднати бракови зад нас. Освен што беше успешен манекен, имаше завршено медицина и работеше како доктор. Живееше со своите родители и помладиот брат во една убава стара зграда на позната улица на Дорќол — пишуваше пејачката за својата љубов со докторот Момо Јаковљевиќ, со кого посакала да остари.

— Како успеавме ние двајцата, и покрај физичката оддалеченост и различните професии, толку брзо да развиеме љубов и да започнеме да зборуваме за брак, ни јас самата не знам. Почнавме во пролет, продолживме преку летото и ја дочекавме есента со веќе сериозни разговори за заеднички живот. Бевме зрели, слободни и вљубени. Обожавав да бидам не само пејачка, туку и негово „обично“ девојче, да одам со неговата мајка на пазар, да готвам ручек, некои мои специјалитети, што неа особено ја воодушевуваше. Единственото нешто за кое тагував беше тоа што мојата ќерка не беше со мене во Белград — го опишуваше Неда своето љубовно искуство на далечина, откривајќи дека по неколку месеци го поканила Момо во Сараево за да ги запознае нејзините родители и ќерка.

— Врската ни стана сериозна во 1987 година, кога се пријавив на неговата домашна адреса и станав Белграѓанка. Како пар, привлекувавме внимание, па доаѓаа различни приказни до нас. Многумина се трудеа да нè разделат — напиша Неда Украден.

Но, по успешна турнеја во Канада, наместо да застане пред олтарот со згодниот доктор, Неда стави точка на таа љубов.

— Добро знаев дека преселба, промена на средина, училиште, јазик, живот без баба, дедо, татко, фамилија, не е опција со која мојата ќерка ќе се помири. Во едно бев сигурна – не сакав таа да страда поради мене и мојата одлука. Затоа одлучив јас да страдам. И страдав, долго, долго — го откри Неда вистинскиот повод за крајот на таа голема љубов.

Речиси три децении подоцна, големата љубов на Неда Украден повторно се врати во нејзиниот живот – и тоа во момент кога ѝ беше најпотребна поддршка и помош.

— Што е животот и како ги меша картите – 30 години подоцна, токму тој, како доктор, многу ѝ помогна на мојата ќерка успешно да ја изнесе бременоста со третото дете и да ми го подари прекрасниот внук, кој се роди токму во болницата каде што тој работи — напиша Неда.