Или ќе го направиш тоа, или е крај: српскиот репрезентативец ѝ поставил ултиматум на сопругата Марина

Поранешниот српски репрезентативец Александар Пријовиќ извесен период се држеше подалеку од јавноста, но со своето појавување и однесување сѐ уште успева да го задржи вниманието.

Полни две години немаше објавено фотографија на Инстаграм, но љубовната приказна со неговата сопруга Марина и понатаму ја плени јавноста.

Александар е роден во швајцарскиот град Сент Гален, но секогаш нагласувал дека е Србин, бидејќи неговиот татко потекнува од околината на Прибој. Кариерата ја започнал во младинските категории на швајцарски клуб, а со текот на годините играше за италијанска Парма и грчки ПАОК, каде што беше прогласен за најдобар стрелец на грчката лига.

Дома го чека неговата сопруга Марина, со која е во брак веќе 15 години, а во 2016 година добија ќеркичка по име Елијана. Александар често истакнува дека Марина не му е само сопруга, туку и најдобар советник.

„Јас сум жив доказ дека љубов на прв поглед не постои само во книги. Во почетокот бевме во врска на далечина, а Марина ми беше првата што рече: ‘Ќе играш за Србија, и точка’“ – откри Пријовиќ во една пригода.

Марина го потврдува тоа, истакнувајќи дека секогаш се консултираат за важните животни одлуки:

„Ако ја анализираме неговата досегашна кариера, можеме да кажеме дека сме донеле исправни одлуки“ – изјавила таа во едно интервју.

Судбоносната средба на парот се случила во Белград, кога Александар имал 20, а Марина 22 години.

„Првиот бакнеж се случи во кино. Почнавме врска на далечина, што функционираше одлично од самиот почеток. Јас одев кај него кога можев, а тој ги користеше слободните денови за да дојде во Белград. Стално разговаравме преку телефон, а тој беше тивкиот тип што само се насмевнуваше“ – се потсети Марина.

Александар објасни и како Марина наскоро се преселила кај него во Швајцарија:

„Сакав да почнеме да живееме заедно и изнајмив поголем стан. Ја сликав секоја просторија и гардероберот што ѝ го наменив. Ѝ кажав дека би сакал да се пресели кај мене, и дека ако не го направи тоа од било која причина – тука сме готови. Сакав да знам на што сум. Бев сигурен дека таа е вистинската, и поради тоа не гледав смисла да се влечеме со постојани патувања за да се гледаме. Иако не ѝ беше драго што реков дека е крај ако не сака да живееме заедно, Марина брзо се спакува и дојде во Швајцарија“.

„Како и секој пар, и ние имавме тешки денови, но од самиот почеток знаевме дека сакаме нашиот однос да успее. Марина секогаш беше покрај мене кога најмногу ми требаше. Бевме заедно во Швајцарија, Норвешка, Шведска, Турција, Полска, а еве сега и во Грција. Таа го помина целиот пат со мене“ – бил искрен Александар за „Глорија“.