Највиралната чанта сезонава не собира ништо… освен едно багет лепче

Највиралната торба за сезоната не собира ништо… освен еден багет леб

Додека пистите во Париз беа дом на најновите haute couture силуети, влијателни модни имиња и свежи машки колекции, еден моден додаток неочекувано го украде вниманието – и го урна алгоритмот на социјалните мрежи.

Станува збор за торба која собира… точно еден француски багет леб. Да, добро прочитавте.

Тоа е спиралната, розова торба на шведскиот дизајнер Густаф Вестман, претставена по повод отворањето на неговата pop-up продавница во парискиот кварт Ле Маре. Изработена од сјаен, лакиран материјал во неодолива candy pink нијанса, оваа торба не е ни практична, ни функционална, ни класична торба. Но има едно важно својство – моден детал кој крева серотонин и ве тера да се насмеете штом ја видите.

Вестмановата “torba za baget” стана омилен реквизит за фотографии на улиците на Париз во неверојатно брзо време. Модни инфлуенсерки, модели и случајни минувачи позираа со неа за TikTok и Instagram, со натписи како:

„Леб, ама во модна верзија“ или „Кери Бредшо би била воодушевена!“

Овде нè враќа модната носталгија директно во 1999 година. Култната Baguette Bag од модната куќа Фенди, дизајнирана од Силвија Вентурини Фенди, стана модна икона токму поради Кери Бредшо и нејзината легендарна реченица: „Ова не е торба, ова е Багет!“

Речиси три децении подоцна, багет-торбата добива нова, целосно луда форма: не под мишка, туку како омаж на поп културата, кичот и разиграниот апсурд.

Во ерата кога Loewe прави торби во облик на домати, модните куќи претставуваат надувани clutch чанти, а металните додатоци личат на музејски скулптури, багет-торбата на Вестман можеби е најнеупотребливиот – и најзабавниот – моден детал што го има видено интернетот. Не мора ништо да носи. Доволно е да носи внимание, лајкови и фантазија.

И токму затоа – сите ја посакуваат. Зашто во модниот свет на 2025, не победува нужно она што има функција, туку она што има став.