Џејн Биркин, случајна средба и легендарната торба: Првата „Биркинка“ продадена за неверојатни 7 милиони евра

Во светот на модата, постојат моменти кои ја пишуваат историјата – и овој е токму еден од нив.

Стара, изгребана и очигледно носена “Ермес Биркин” чанта штотуку беше продадена на аукција за 7 милиони евра. Но не било која “Биркин”, туку првата. Да, токму онаа што личо ја носела Џејн Биркин – почетокот на најпознатата модна приказна со чанта како главна хероина.

ЕДНА ЧАНТА, МНОГУ ПРИКАЗНИ

Оваа легендарна чанта ја следеше Џејн од 1985 до 1994 – носена секојдневно, без задршка. Не била изложена во витрина, туку исполнета со живот: траги од гребнатини, флеки, налепници од хуманитарните организации Médecins du Monde и UNICEF, па дури и мини турпија за нокти закачена за ременчето – сите детали што цитираат дека дамата секогаш треба да има средени нокти. И секако – испечатени иницијали “Џ.Б.”.

КАКО СÈ ЗАПОЧНА…

Годината е 1983. Џејн Биркин лета од Париз кон Лондон. Нејзината тогашна чанта – плетенa кошничка која обожаваше да ја носи – паѓа од горната преграда во авионот и целиот нејзин багаж се растура низ подот. До неа, сосема случајно, седи Жан-Луи Дума, тогашниот директор на модната куќа “Ермес”. Џејн воздивнува и коментира: „Нема чанта што е и убава и практична.“ На тоа Дума одговара: „Но јас сум Ермес. Ќе ти направам една.“ И тука, среде бизнис-класа, Џејн грабнува хартиена кеса и со пенкало црта скица на својата идеална чанта. Така се раѓа идејата за “Биркин”.

РАЃАЊЕ НА МОДНА ИКОНА

По една година, чантата е создадена: цврсти ракоефи, квалитетен патент, метални ножички одоздола и совршена големина – поголема од “Кели”, помала од типична работна чанта. Практична, но елегантна. Иако Џејн сè уште ја сакаше својата стара кошничка, оваа чанта го смени светот на модата засекогаш.

Во 1994 година, Џејн ја донираше својата оригинална “Биркин” чанта на аукција во хуманитарни цели – за истражувања поврзани со ХИВ/СИДА. Потоа, чантата помина низ многу раце, беше изложена по музеи како MoMA во Њујорк и Victoria & Albert во Лондон, а денес се наоѓа во приватната колекција на јапонски колекционер, по жестока наддавање.

“МОЖЕБИ ЌЕ МЕ ПОМНАТ САМО ПО ЧАНТАТА КОГА ЌЕ УМРАМ.”

Џејн Биркин го изјави тоа со насмевка во едно интервју. Почина во 2023 година на 76-годишна возраст, но нејзината чанта остана – не само како сеќавање, туку како најскапата и најсаканата чанта во историјата на модата.

Икона на стилот, симбол на слободата, практичноста и софистицираноста – “Биркин” чантата не е само моден предмет. Таа е приказна. Емоција. Живот во кожа. А сега, и парче историја вредно 7 милиони евра.