Карлеуша и Цеца повеќе од две децении не зборуваат
Јелена Карлеуша и Светлана Цеца Ражнатовиќ досега се среќавале само на суд.
Години наназад внимателно се избегнуваа на јавни настани, но на погребот на Саша Поповиќ, директорот на Гранд продукција, двете мораа да бидат присутни.
Ова беше првиот нивен среќавање по долг период на медиумски судири.
Познато е дека Карлеуша и Цеца се судат поради навреди, омаловажувања и невистини што јавно си ги имаат кажано една за друга, така што никој не очекуваше дека ќе разменат пријателски поздрав – што и не го сторија.
Двете, како што и прилега, ѝ изразија сочувство на семејството, по што се повлекоа настрана за да го дочекаат опелото и во поворката да го испратат на вечен покој својот долгогодишен пријател.
Бидејќи станува збор за две големи ѕвезди, сите погледи беа вперени кон нив, а фоторепортерите се потрудија да направат што повеќе фотографии со надеж дека ривалките барем накратко ќе си разменат погледи.
Двете тивко ја испочитуваа целата церемонија, настојувајќи да не предизвикаат дополнителен стрес и проблеми за семејството на починатиот.
Тие нагласија дека секогаш ќе бидат тука за блиските на Поповиќ.
