И денеска сончево и топло време

И денешниот февруарски петок во Македонија претпладне носи умерено облачно, а попладне сончево време со мала локална облачност. Ќе дува слаб до умерен ветер од западен и северозападен правец.

Во Скопје претпладне со мала до умерена облачност, попладне сончево. Ќе дува слаб северозападен ветер, a дневната температура ќе достигне до 14 Целзиусови степени. Маврово и Охрид 10, Битола и Кавадарци 13, Крива Паланка и Берово 12, Дојран 17.