Руска делегација стигна во Белорусија на разговори со Украина за актуелната воена состојба

Делегација од Русија пристигна во Белорусија на разговори со украинската страна, изјави денеска портпаролот на Кремљ, Дмитриј Песков.

– Во согласност со договор, руска делегација составена од претставници на Министерството за надворешни работи, Министерството за одбрана и други агенции, вклучително и претседателската администрација, пристигна во Белорусија на разговори со Украинците, изјави Песков.

– Ќе бидеме подготвени да ги започнеме овие разговори во Гомел, додаде тој.