Во американските судските досиеја е наведено дека „ријалити“ ѕвездата Ким Кардашијан учествувала во шверц на античка римска статуа за која американските власти велат дека била украдена во Италија, пишува Си-Ен-Ен.
Судските документи велат дека американската влада барала одземање на ограбената, шверцувана и нелегално извезената антика за која се верува дека и била предадена на Кардашијан.
Портпаролот на Ким Кардашијан вели дека ѕвездата нема никаква врска со тоа и дека првпат слуша за скулптурата.
„Веруваме дека можеби е купена со неовластено користење на нејзиното име. Ким никогаш не го добила и не била свесна за трансакцијата. Ние ја охрабруваме истрагата и се надеваме дека ќе им се врати на нејзините вистински сопственици”, рече портпаролот во изјавата за Си-Ен-Ен .
Спорната скулптура е идентификувана во списите како Миронова Атина, а покрај неа во пратката имало уште 40 други антиквитети, украси и модерен мебел.
Обвинението е поднесено оваа година, иако еден фрагмент од античката скулптура бил запленет во март 2016 година. Тогаш скулптурата требало да пристигне кај Ким додека ја реновирала куќата во Калабасас. Откако е откриено што има во пратката, судот во Лос Анџелес покренал обвинение против Ким и нејзиниот тогашен дизајнер на ентериер Аксел Верворт.
Учество во игри на среќа е дозволено за лица со 18+ години. Играј одговорно!