Новиот граничен премин Македонија и Косово, преминот Белановце – Станчиќ, ќе биде пуштен во употреба утре во 11 часот, а обраќање на ова официјално пуштање во употреба на преминот ќе имаат премиерот Оливер Спасовски и вицепремиерот за европски прашања Бујар Османи.
Османи беше и координатор на Владата за реализација на овој проект. На настанот се очекува да присуствуваат и други личности од двете земји.
Граничниот премин Белановце – Станчиќ, кој ги поврзува кумановскиот регион во Северна Македонија со гњиланскиот во Косово, е изграден со финансии од ИПА програмата на Европската унија.
Иницијативата за отворање на граничниот премин потекнува од 2011 година, а неговата изградба започна во јуни 2018 година, кога беше поставен камен темелникот од страна на вицепремиерите на двете земји, Бујар Османи и Енвер Хоџај, и амбасадорот на ЕУ во Скопје, Самуел Жбогар.
Жителите од кумановскиот и гњиланскиот регион досега се жалеа поради нереализацијата на проектот, затоа што, како што велат, беа принудувани да патуваат и по сто километри за, преку граничниот премин Блаце, да стасаат до местата на другата страна на границата, кои се инаку многу блиску едно до друго.
Учество во игри на среќа е дозволено за лица со 18+ години. Играј одговорно!