Како во хорор филм: Во Британија откриени 39 мртви тела во бугарски камион

Полициските служби на Велика Британија открија 39 мртви тела во камион кој во земјата пристигнал од Бугарија.

Полицијата денеска соопшти дека го уапсиле 25-годишниот возач на камионот, кој е од Северна Ирска, под сомнение за убиство. Телата на 38 возрасни луѓе и на една тинејџерка се пронајдени во индустриска зона во близина на Лондон.

Началникот на полицијата, Ендрју Маринер, изјави дека истрагата е во тек за да се утврди што се случило.

„Ова е трагичен инцидент во кој голем број луѓе го загубија животот“, рече тој.

Началникот изјави дека камионот е од Бугарија и влегол во земјата во сабота на 19 октомври.