Со забава против болест: Децата во оваа болница со електрични автомобили се ослободуваат од стресот

Децата кои поради здравствени проблеми се на болнички престој во калифорниската болница добија детски електрични автомобилчиња со цел полесно да се справуваат и ослободуваат од стресот.

Персоналот од една калифорниска болница одлучи за децата пациенти да набави електрични автомобилчиња со надеж дека на тој начин тие ќе се ослободат од стресот и анксиозноста, пренесува Scary Mommy.

Насмеаните деца сега уживаат во малите електрични верзии на Мерцедес и Фолксваген, во кои можат да пуштаат и музика. Автомобилчињата имаат функционални светла, вратите им се отвораат и затвораат, а возачите можат да се врзат и со безбедносен појас.

Идејата за ваков начин децата со забава да се борат против болестите ја дала една од медицинските сестри во болницата.