Шанса да станеш YouTuber! Приклучи се! ↓↓↓
Никола Димитров и Никос Коѕијас на средбата во Брисел постигнаа рамка за компромис за името, а европските дипломати најавуваат поддршка на решението. Во меѓувреме се очекува нов разговор на премиерите Зоран Заев и Алексис Ципрас.
Министрите за надворешни работи на Македонија и на Грција постигнале рамка за компромис за името, а европските дипломати се охрабрени од напредокот во преговорите. Вакви вести стигнаа од Брисел каде што македонскиот министер за надворешни работи Никола Димитров на работен појадок ги брифираше европските колеги за случувањата поврзани со спорот.
Сите сме охрабрени од напредокот што е постигнат во преговорите меѓу Скопје и Атина рече високата претставничка на Европската унија Федерика Могерини по работниот појадок на министрите.
Consensus in the room that a solution to the name issue will be a #gamechanger for the next steps in the ??accession process of ?? 2/2
— Johannes Hahn (@JHahnEU) May 28, 2018
„Сите ќе работиме да го поддржиме и да го придружиме, се надевам, позитивниот исход од овие важни преговори” рече Могерини.
Претходно, министерот за надворешни работи Димитров рече дека претходниот ден со својот грчки колега Никос Коѕијас во Брисел постигнале рамка за компромис за името.
Извор: Радио Слободна Европа
