Guns ‘N’ Roses првин се избрукаа и беа исвиркани, па направија спектакл

Американскиот рок бенд Guns ‘N’ Roses, кои се наоѓаат на турнеја во Австралија, беше исвиркан од своите 70.000 фанови во Мелбурн, откако прво задоцнија на концертот, а потоа направија и гаф.

Имено, техничарот за гитари Мекбоб, кој воедно е и долги години најавувач на групата, преку разглас ги поздрави жителите на Мелбурн со „Поздрав Сиднеј“.

„По 30 години нашиот најавувач Мекбоб направи грешка. Навистина ни е жал“, се извинија од бендот.

Сепак, Guns ‘N’ Roses се искупија и направија спектакл за паметење.