5 намирници кои ќе помогнат против надуеност на стомакот

Надуеностa на стомакот, која често ја чувствуваме, може да предизвика силно чувство на нелагодност, што влијае на нашиот секојдневен живот на различни начини. За среќа, постојат многу начини да се намали.

Надуеноста во стомакот обично се јавува поради нагомилување на гасови во гастроинтестиналниот тракт. Надуеноста го прави стомакот поголем од обично, а може да биде и болен. Задржување на течности во телото исто така може да доведе до надуеност.

Еве 5 најдобри намирници кои можете да ги додадете во вашата исхрана и лесно да се справите со досадната надуеност на стомакот.

КРАСТАВИЦА

Можеби веќе знаете дека краставицата може да ја намали надуеноста под очите. Она што можеби не сте го знаеле е дека може да дејствува на ист начин и за вашиот стомак. Зеленчукот содржи кварцетин, флавоноиден антиоксидант кој помага во намалување на надуеноста.

БАНАНИ

Намирниците богати со калиум, како што се бананите, авокадото, киви, портокали и кикирики, спречуваат задржување на вода регулирајќи ги нивоата на натриум во вашето тело и така можат да ја намалат надуеноста предизвикана од сол. Бананите исто така имаат растворливи влакна кои можат да ублажат или спречат затвор.

ПАПАЈА

Ензимот папаја помага во разградба на протеините во гастроинтестиналниот систем, што го олеснува варењето. Тропското овошје исто така има антиинфламаторни својства, како и влакна кои поддржуваат силен, дигестивен систем.

ШПАРГЛИ

Шпарглите се суперхрана против надуеност. Тие исто така содржат пребиотици, кои помагаат во одржување на растот на “добрите” бактерии. Ова помага во одржување на здрава рамнотежа во дигестивниот систем за да се спречат и/или намалат гасовите. Зеленчукот содржи растворливи и нерастворливи влакна, кои помагаат во промоција на општото здравје на варењето.

ЈОГУРТ СО ПРОБИОТИЦИ

Ако зборуваме за врвни намирници кои се борат против надуеност, тогаш јогуртот дефинитивно заслужува место на нашата листа. Некои од овие “добри” цревни бактерии се пробиотици. Тие помагаат во регулирање на варењето и промовираат општото здравје на варењето.

БОНУС СОВЕТ: НАМАЛЕТЕ СТРЕС

Верувале или не, надуеноста не е секогаш поврзана со вашата исхрана. Кортизолот, исто така познат како хормон на стресот, може да предизвика низа симптоми низ целото тело, вклучувајќи надуеност. Истражувањата покажуваат дека стресот директно влијае на дигестивниот систем, што за возврат може да предизвика надуеност. Некои природни начини за кои е докажано дека го намалуваат кортизолот се подобар сон, вежби со низок интензитет и медитација. Една од најдобрите вежби за намалување на кортизолот е пешачење. Доволни се 20 минути ходање со умерено темпо во текот на денот.