18 дена барикади на северот на Косово и Метохија – Србите немаат намера да се повлечат додека не им се исполнат барањата


Викенд најава - Најинтересно во Серија А! ↓↓↓



Поради апсењето на тројцата Срби и присуството на специјалните сили на косовската полиција на северот на земјата, Србите од северот на Косово и Метохија веќе 18 дена се на барикадите кои ги поставија таму.

Од утрово е изградена нова барикада во Бошњачки Махал, јавува „Kosovo-online“.

Тие велат дека ќе бидат отстранети кога Приштина ќе ги ослободи уапсените Дејан Пантиќ, Миљан Аџиќ и Слаѓан Трајковиќ и кога специјалните полициски сили ќе бидат повлечени од север.

КФОР соопшти дека започна истрага за престрелката во Зубин Поток, во која, како што рекоа, нема повредени или материјална штета, потсетува РТС.

Тие објавија дека пукањето не било насочено кон нивните војници, со што ги демантираат информациите на одредени медиуми во Приштина дека имало напади врз војници од Летонија.

И косовската полиција го потврди пукањето и соопшти дека немало размена на оган меѓу полицијата и која било група.

Кризниот штаб на Србите од северот на Косово соопшти дека Србите не ги напаѓаат ниту КФОР ниту ЕУЛЕКС, туку дека на нив гледаат заштита од репресијата на режимот во Приштина и специјалците.

„Кризниот штаб во име на српскиот народ ги повикува КФОР и ЕУЛЕКС да ја зголемат будноста. Изразуваме сериозно сомневање дека Курти е подготвен да организира напад врз членовите на овие мисии и да ги обвини Србите за тоа“, се заклучува во соопштението.